четврток, 22. април 2021. Вести денес: 32
home Вести

Силјановска Давкова: Сонувајќи вакцини, но и умирајќи без нив

Силјановска Давкова: Сонувајќи вакцини, но и умирајќи без нив

Имаше ли македонската власт стратегија и посегна ли по тактики во процесот на обезбедувањето вакцини? Не. Ова во својот Фејсбук статус го наведува професорката Гордана Силјановска Давкова.

Во продолжение следува нејзиниот Фејсбук статус: 

Сонувајќи вакцини, но и умирајќи без нив

Во САД се надеваат дека со вакцинацијата на 70-80 % од населението, летово може да се очекува колективен имунитет. Во Македонија, вакцините ретко доаѓаат, а кога ќе дојдат, лесно се бројат, заради минимални дози, како што тргнале работите, некој(а) очекува природно да стекнеме колективен имунитет до летото.

Имаше ли македонската власт стратегија и посегна ли по тактики во процесот на обезбедувањето вакцини? Не. Кога Русија, пред повеќе месеци ни понуди помош, „прозападниот“ премиер промтно го одби предлогот. Во него препозна „источна опасност“, а очекуваше „западна солидарна акција“? Не, во отсуство на капацитет ниту за рационална, ниту за инкременталистичка политика, владата и премиерот реагираат ИНТУИТИВНО!

Откако нацијата „Чекан“ ни стана, чекајќи владина проактивна имунизирачка акција, при што, мнозина, за жал, ги изгубија животите, стигна помошта од Србија. Одеднаш, нашиот невиден владеачки СОЈ, на кој само соевите на Ковид 19 може да му конкурираат во мутирањето, сфати дека во битката со вирусот, нема место за Запад- Исток „ логика“!

Белким по првите 3000 дози од „Спутник“ вакцината, ќе следат други и нови, без оглед од каде и кого. Сепак, едно знам: нова политика со оваа власт не бива, ама нови непристојни отстапки и скандали сигурно ќе има!

Коронавирус