петок, 22. ноември 2019. Вести денес: 7
home Вести

Што се сè плаќало со службените картички на министерството за информатичко општество?

Што се сè плаќало со службените картички на министерството за информатичко општество?

Каде завршиле 683.000 денари кои министерството за информатичко општество ги потрошило лани? Што плаќал министерот Манчевски со народни пари преку картичка не е познато, а дека нема евиденција за потрешените средства се наведува во извештај на заводот за ревизија.

– Ревизијата утврди дека во текот на 2018 година преку картичка е реализиран промет во износ од 683 илјади денари, а за начинот на евидентирање на прометот не е постапено по препораката на Овластен државен ревизор. Ваквата состојба не е во согласност со одредбите од Законот за сметководство за буџетите и буџетските корисници и Правилникот и влијае на реалното и објективно прикажување на позициите во финансиските извештаи, а и на квалитетот на информациите што истите ги даваат, се наведува во Конечниот во Конечниот извештај за извршена ревизија на усогласеност за 2018 година на Министерството за информатичко општество и администрација.

На прашања на Алфа од министерството се правдаат, па вината ја префрлаат на Службата за општи и заеднички работи на Владата оти тие биле задолжени за оваа работа. Но, објаснуваат, со картичка се плаќа исклучиво при службени патувања и при посета на странска делегација, кога домаќин е министерството.

-Сметководството на МИОА, е во надлежност на СОЗР (Служба за општи и заеднички работи) и од нив зависи начинот на којшто се води евиденција на трошоците направени со електронските картички на министерот, заменик министерот и државниот секретар. Од страна на МИОА, веќе е испратен официјален допис со барање до одговорните за водење на сметководството во СОЗР, задолжително да водат аналитичка евиденција за сите 3 кредитни картички кои ги користи министерството. Дописот е доставен и до ревизорските тимови од двете последни ревизии, велат од Министерството за информатичко општество.

Според Алатката за отченост на носителите на јавни функции министерот Манчевски само во првите пет месеци од минатата година за карти за авион, ручеци, превоз, телефонски сметки и слично потрошил 409.666 денари, а за останатите месеци податоци нема.

Во 2017-та пак, Манчевски за исти намени, за пола година, од јуни заклучно со декември потрoшил 766.994 денари. За првите шест месеци од годината вакви податоци не постојат на транспарентната алатка за отчетност.

ИЗВОР:АЛФА