сабота, 25. септември 2021. Вести денес: 21
home Вести

Седници на четири собраниски комисии

Седници на четири собраниски комисии

Во Собранието на Република Македонија денеска седници ќе одржат комисиите за економски прашања, за земјоделство, шумарство и водостопанство, за европски прашања и за труд и социјална политика.

Комисијата за економски прашања од предложените точки на дневен ред ќе расправа за предлози за изменување на законите за безбедност на производите, за заштита на потрошувачите како и за контрола на предметите од скапоцени метали.

Пратениците од Комисијата за земјоделство, шумарство и водостопанство денеска во прво читање ќе го разгледаат предлогот за изменување на Законот за земјоделство и рурален развој. Во прво читање членовите на Комисијата за европски прашања ќе расправаат за предлог законот за работното време на мобилните работници во патниот сообраќај и уредите за запишување во патниот сообраќај како и за прдлогот за изменување и дополнување на Законот за превоз во патниот сообраќај.

Комисијата за труд и социјална политика ќе одржи јавна расправа на тема Нацрт Национална стратегија за деинституционализација 2018-2027.

МИА

Коронавирус