понеделник, 25. октомври 2021. Вести денес: 122
home Вести

Се празнуваат родителите на Богородица: Денес подарете нешто, но никако не го правете ова за да не ве бие малер цела година!

Се празнуваат родителите на Богородица: Денес подарете нешто, но никако не го правете ова за да не ве бие малер цела година!

Според календарот на МПЦ (Јулијанскиот календар) денеска е 9 септември, ден кога се празнуваат светите праведни богоотци Јоаким и Ана, родителите на Пресвета Богородица.

Именден празнуваат: Ана, Јана, Јаника…

Денешниот празник е органски поврзан со празникот од претходниот ден, со празникот на раѓањето на Богородица. Како и по сите поголеми празници, и по овој празник се празнува споменот на непосредните учесници во настанот што ја сочинува содржината на вчерашниот празник. Тоа е споменот на светите Јоаким и Ана. Таткото на Јоаким се викаше Варпафир и беше родум од Јудиното племе, а потомок на царот Давид, а Ана беше ќерка на свештеникот Матан, од Левиевото колено. Тие ја добија ќерка си Марија на стари години, после 50 години брак и по нивните долги и топли молитви. Инаку, самите доживеаа длабока старост свети Јоаким се упокои на 80, а света Ана на 79 години.

Овој празник меѓу народот се смета за полесен, па во некои краишта (Гевгелиско) не работеле само жените.

Овој ден е посветен на добротворството и мисионерството и според верувањето денеска треба да се подари нешто. Бидете милостиви, но не со гордост и надменост туку со смиреност и почит кон оној на кого се подарува. Доблеста не е доблест, ако тоа се меша со гревот, како што се млекото не е млеко, кога се меша со гас или оцет, поучува црквата.

Се верува дека денешниот ден би требало да го поминете во кругот на семејството, а особено со родителите. Би требало да одбегнувате кавги, бидејќи оној кој ќе се искара во кругот на семејството, ќе го бие малер целата година.

Локални избори 2021