сабота, 24. октомври 2020. Вести денес: 81
home Вести

Се бара пребројување на гласачките ливчиња: Одлуката ДИК ќе ја донесе утре или во понеделник

Се бара пребројување на гласачките ливчиња: Одлуката ДИК ќе ја донесе утре или во понеделник

По пристигнатите 82 приговори вчера до Државната изборна комисија за одржаните предвремени парламентарни избори, првиот човек Оливер Дерковски вели дека по истите ќе се одлучува вo недела или понеделник, кога треба да биде донесена и одлука за пребројување на гласачките ливчиња.

Ова ќе следува затоа што меѓу поднесените приговори и забелешки се бара и повторно пребројување на гласачките ливчиња, едно по едно.

-Ќе почекаме до утре да помине и другиот рок, па недела или понеделник ќе заседава комисијата и ќе одлучува по поднесените приговори, рече претседателот на ДИК гостувајќи синоќа во Алфа ТВ.

ДИК во следните 72 часа, по поднесувањето на приговорите, ќе треба да одлучи дали и кои од нив ќе бидат прифатени.

Дел од политичките партии по завршувањето на изборите и прогласувањето на први неофицијални резултати од страна на ДИК реагираа дека станува збор за резултати на кои не може да им се верува.

Коронавирус