вторник, 25. јануари 2022. Вести денес: 32
home Вести

СДСМ денеска го избира новото раководство

СДСМ денеска го избира новото раководство

Денеска треба да заседава Централниот одбор (ЦО) на СДСМ, која ќе биде прва седница по изборот на новиот партиски лидер, Димитар Ковачевски, а на која се очекува тој да биде потврден и за мандатар за формирање нова влада.

Се очекува Централниот одбор на СДСМ на денешната прва седница по изборот на нов партиски лидер, да избере и ново раководство, односно нов состав на Извршниот одбор, како и нови потпретседатели и секретари на партијата, по предлог на Димитар Ковачевски, кој според најавите би требало да биде потврден за мандатар за формирање на нова Влада. Ковачевски претходно најави дека во актуелниот состав на ЦО ќе добие нови членови.

Неделава повеќе имиња кружеа во неофицијалните информации за новите потпретседатели на партијата, но и членови на новиот ЦО.

Претседателот Стево Пендаровски до среда треба да го додели мандатот на Ковачевски за формирање влада. Тој го најави предавањето на мандатот за утре или задутре, по што ќе почне да тече и рокот од 20 дена за формирање Влада.

Коронавирус