недела, 17. јануари 2021. Вести денес: 82
home Вести

Револтирани земјоделци го блокираа струмичкиот регионален пат, незадволни се од откупот на бостан (Фото)

Револтирани земјоделци го блокираа струмичкиот регионален пат, незадволни се од откупот на бостан (Фото)

Денес од 9 часот изутринава, неколку часа беше блокиран регионалниот пат за Струмица кај клучката во близина на Смоларе. Производителите се незадоволни од откупот на бостан.

Цената падна под 3 денари, а земјоделците велат дека откупната цена не ги покрива ниту основните трошоци.

Тие се жалат и на игнорантскиот однос на Владата и Министерството за земјоделство, кое не им помага во решавањето на проблемот со откупот.

-Претставуваат лажна слика, додека ние ќе го фрлиме бостанот бидејќи не се исплати да го даваме без пари. Имаме министер кој не знае ниту З од земјоделие, вели 45 годишниот Трајко Митрески производител на бостан од струмичко.

-Мораме да блокираме, маката не тера, мора да се сврти вниманието за нашиот проблем бидејќи владата не` игнорира, вели Трајко Терзиевски од Струмица.

Министерството за земјоделство и министерот Љупчо Николовски засега се на ставот дека нема посериозни проблеми со откупот на бостан и дека ја следат ситуацијата на дневна основа.

Коронавирус