четврток, 28. октомври 2021. Вести денес: 213
home Вести

Реката Вардар смени боја, инспекциските екипи на терен поради помор на риби

Реката Вардар смени боја, инспекциските екипи на терен поради помор на риби

Утрово помор на риби поради загаденост на водата во реката Вардар е забележан по течението од населбата Аеродром до Трубарево.

„По добиени сознанија за загадување на водите од реката Вардар екипи на општината, заедно со екипи од Водовод и канализација, Центарот за санитарна контрола и инспекторатот за животна средина излеговме на терен каде извршивме увид и подигнавме примероци од водата на три локации Ќерамидница, Јурумлери и Дрма. Примероците ќе бидат стручно обработени со цел да се утвдри точната причина за загадувањето, како и сторителот“, објави на својот ФБ профил Борис Георгиевски, градоначалник на Општина Гази Баба .

За оваа несекојдневна слика во водите на Вардар жителите од Аеродром го алармирале Центарот за управување со кризи.

По пријавата екипи од Инспекторатот на Град Скопје и ЈП „Водовод и канализација“ излегле на терен и земале примероци од водата за испитување каде бил забележан поморот на рибите. Анализите треба да покажат со што е загадена водата во која настрадаа рибите.

Извор; СИТЕЛ

Најнови вести

Локални избори 2021