понеделник, 21. јуни 2021. Вести денес: 142
home Вести

„Разрешувањето на директорот на Театар Комедија нема да го покрие фактот дека тој како кадар на СДСМ, злоупотребил 8,7 милиони денари, потребна е институционална разврска веднаш“

„Разрешувањето на директорот на Театар Комедија нема да го покрие фактот дека тој како кадар на СДСМ, злоупотребил 8,7 милиони денари, потребна е институционална разврска веднаш“

По којзнае кој пат исплива на површина злоупотребата на власта и деградирањето на културата во Македонија. Поставувањето на партиски директори на културните институции од страна на некомпетентните директори во земјава доведе само некултура и пад на квалитетот граден со години, ова денеска преку реакција до јавноста го истакнаа од Комисијата за култура на ВМРО-ДПМНЕ.

-Таков е и случајот со Театар Комедија, каде власта успеа да уништи уште една успешна приказна која беше создадена од нула. Од своето формирање во 2011 година, театарот успеа да се наметне како со квалитет така и со популарност како сериозна институција, но тоа траеше се до доаѓањето на СДСМ на власт, кога започна падот. Доказ за тоа е и разрешувањето на директорот на НУ Театар Комедија, Сашо Ристовски кој беше поставен токму од владата на СДСМ, и тоа не затоа што сметаа дека вреди да го постават, туку затоа што се докажал со неговата партиска активност пред изборите во 2016 година. Имено, директорот кој токму СДСМ го постави извршил злоупотреба на  од 8.734.486 денари државни пари за кои презел обврска, но за истите не обезбедил покритие. Со тоа е прекршен член 70 а, став 4 од Законот за култура, за што призна и самото министерство, велат од комисијата.

Од таму додаваат дека неговото разрешување нема да го покрие фактот дека тој злоупотребата ја направил како партиски кадар на власта, ниту тоа дека успеа да го уништи Театар Комедија.

-Воедно прашање е дали ќе видиме институционална разврска на случајот или како и за се досега со замената ќе се прикрие злоупотребата на 8,7 милиони денари од државната каса. И ова не е изолиран случај од страна на власта туку само продолжение на низата скандали на СДСМ во културните институции во Македонија. Наместо култура добивме криминал и антикултура, велат од Комисијата за култура на ВМРО-ДПМНЕ.

Најнови вести

ЕУРО 2020

Македонија