петок, 15. јануари 2021. Вести денес: 95
home Вести

Расте отпорот против Заев: Делчево Македонска Каменица и Виница бараат оставка од Заев и прекин на трговијата со идентитетот (ФОТО)

Расте отпорот против Заев: Делчево Македонска Каменица и Виница бараат оставка од Заев и прекин на трговијата со идентитетот (ФОТО)

Расте отпорот против погрешните политики на Зоран Заев. Денеска Скопје и уште 20 градови се протестираа за оставка на Заев и против продажбата на македонскиот идентитет и јазик.

Својот револт против Заев и неговите политики го изразија жителите на Македонска Каменица од каде што Ламбе Арнаудов истакна дека никој нема право да тргува со македонската историја, со нашите татковци и дедовци кои со животи ја платија нашата слобода и се бореа за слобода на Македонија.

– Денеска се потврди дека Заев тргува со идентитетот, дека сака да не избрише како Македонци дека сака да ни ја избрише историјата, тоа нема да го дозволиме. Нема да дозволиме Заев од нас да направи вештачка нација. Тука сме му се спротивставиме и нема да се откажеме се додека Заев не си замине од власт. Доста се порази и понижувања, изјави Арнаудов.

Во Делчево пред бројните граѓани кои протестираа против погубните политики на Заев се обрати членот на ИК на ВМРО-ДПМНЕ, Драган Ковачки, кој потенцираше дека Заев може за себе да кажува и да одлучува, но не и за македонскиот народ и македонската држава.

– Никој не му даде право на Заев да ја распарчува Македонија и да ја продава нацијата. Не може Заев од нас да направи дрво без корен. Македонија никогаш не била попонижена. Срамот и националното предавство кои ги донесе Заев, го донесоа неговиот крај. Преговорите мора да се прекинат, а за сето ова и ќе одговара, дециден е Ковачки.

Против Заев и неговите погрешни политики се протестираше и во Виница од каде што пратеничката на ВМРО-ДПМНЕ, Даниела Христова порача дека граѓаните се тука да стават крај на велепредавството на Заев.

– Се дрзнаа да ни ги продаваат јазикот, идентитетот, историјата. Се обидуваат да го продаваат Гоце Делчев, а од нас да направат вештачка нација. Ние тоа нема да го доволиме. Застануваме на патот на раскрчмувањето на македонската држава. Затоа ги повикувам сите граѓани да ни се приддружат и во наредниот период се додека не го испратиме Заев во историјата и додека не си ја спасиме државата, потенцираше Христова.

Коронавирус