среда, 19. декември 2018. Вести денес: 0
home Вести

Протест пред Собранието против уставните измени

Протест пред Собранието против уставните измени

Пред Собранието на Република Македонија, истовремено со одржувањето на пленарната седница, се одржува протестот против уставните измени, организиран од „Македонија Блокира“.

Страшо Ончев од здружението „Македониум” рече дека агендата која ја работат во Собранието не е македонска и дека имаат неколку барања кои денеска ќе ги порачаат од протестот.

– Ова што се случува во Собранието денеска е класична узурпација на она се што значи македонизам. Пратениците веднаш да го напуштат Собранието. Заев да си поднесе оставка, пратениците на ВМРО-ДПМНЕ да се приклучат на народот, рече Ончев.

Организаторите информираа дека утринава додека се подготвувале за протестот им била исклучена струјата при што биле принудени да купат агрегат. Пред Собранието на булеварот има поставено двојни барикади, а видно е и бројно полициско обезбедување околу Парламентот.

МИА