среда, 22. јуни 2022. Вести денес: 153
АКТУЕЛНО

Падна владата во Бугарија, Кирил Петков повеќе не е премиер

home Вести

Претседателот Пендаровски се сретна со студенти од Дипломатската академија од Виена

Претседателот Пендаровски се сретна со студенти од Дипломатската академија од Виена

Претседателот Стево Пендаровски денеска прими студенти од Дипломатската академија од Виена, придружувани од директорот на Академијата, амбасадорот Емил Брикс, информираат од Кабинетот на шефот на државата.

Студентите од оваа реномирана дипломатска академија со седиште во Австрија престојуваат во посета на Скопје, во рамки на нивната турнеја низ Западен Балкан.

Во воведното обраќање, претседателот Пендаровски ги запозна студентите со клучните аспекти во стратешките надворешно-политички цели на земјава, политичките случувања и предизвици на патот до членството во НАТО и преговорите за членство со ЕУ.

На сесијата прашања и одговори, претседателот Пендаровски и студентите од повеќе земји, разменија мислења за актуелните состојби во регионот на Западен Балкан, европските перспективи на земјава и останатите држави од регионот, како и за случувањата во поширокиот регион, во контекст на руската инвазија над Украина.

Коронавирус