Не би било пресврт доколку гледаме објективно ако Стефче Јакимовски победи во Карпош, тој го победи кандидатот на СДСМ и во 2013 година. Тогаш на СДСМ кандидат беше Андреј Петров, а во тој период го обвинуваа на пример зошто се саделе цвеќиња на Партизанска, рече Љупчо Пренџов од ГРОМ на гостувањето во Студио 10 на телевизија 24.

– Коалицискиот капацитет на СДСМ најдобро се виде на една дебата во која беше Петре Шилегов, а останатите и оние блиски до нив рекоа дека нема да гласаат за него. СДСМ се плаши од коалицискиот капацитет на опозицијата, вели Пренџов.

Според него е јасно ако се гледа трендот во првиот круг јасно е дека ќе губи СДСМ и во следниот, втор круг.

– На пример и да победи Максим Димитриевски во Куманово тоа нема врска со СДСМ, тоа е нивни пораз. Неговата кампања и делување не личи на ништо што прави СДСМ, вели Пренџов.

Мислам, дели тој, дека СДСМ, нема никаков коалициски капацитет и затоа Шилегов нема да помине добро во втор круг.

– За разлика од него Данела Арсовска е освежување на политичката сцена, а тоа му е потребно и на Скопје, вели Пренџов.