среда, 2. декември 2020. Вести денес: 160
home Вести

Правен факултет „Јустинијан Први“ – СДСМ 3:0

Правен факултет „Јустинијан Први“ – СДСМ 3:0

Владата односно министерката за правда Рената Десковска доживуваше тешки моменти на дебатата за законот за Јавно Обвинителство во Собранието на која најгласни беа нејзините колеги од Правниот факултет во Скопје Јустинијан Први.

Иако со некои од нив во блиски колегијални и другарски врски Десковска односно нејзините предлози беа научно потопени од колегите експерти дури и од тие што се членови на СДСМ или важат за блиски на оваа партија.

Освен професорката Гордана Силјановска Давкова во дебатата сериозни аргументи против предлозите на Десковска изложија и Гордан Калајџиев и Тања Каракамишева.

Инаку, пратениците од ВМРО-ДПМНЕ по започнувањето на денешната јавна расправа за законот за јавно обвинителство на седница на собраниската Комисија за политички систем истакнаа транспарент на галеријата на кој пишува „Господине Јовески до кога ќе го криете писмото со кое притворената Катица ви даде незаконска наредба (чл.60, законот за ЈО)“.

Транспарентот беше истакнат за време на обраќањето на државниот јавен обвинител Љубомир Јовески на јавната расправа.

Инаку, Јовески важи за исклучително близок до власта на СДСМ. Како доказ за неговата блискост со актуелната власт многумина ја посочуваат средбата помеѓу Филип Медарски, адвокатот на премиерот Зоран Заев и државниот јавен обвинител Љубомир Јовески на бензинска пумпа во скопски Карпош на која според информации на порталот Инфомакс, на Јовевски му биле дадени насоки од Заев како да постапува откако ќе ги добие сите предмети од СЈО.  Според нив станува збор за шест главни задачи кои Јовески мора да ги реализира со цел Заев да се врати „во форма“ на политичката сцена.

За возврат, Јовески од Владата и од Заев би добил:

– зголемен буџет,

– нови обвинители и истражители,

– медиумска поткрепа за сите дејствија.

Токму две од трите точки Јовевски ги добива со новиот закон за Јавно обинителство кој денес го бранеше во Собранието.

 

Најнови вести

Коронавирус