недела, 27. септември 2020. Вести денес: 108
home Вести

Познат идентитетот на загинатите во ужасната несреќа кај Лесковац

Познат идентитетот на загинатите во ужасната несреќа кај Лесковац

Во автобуската несреќа која што се случи во близина на Лесковац во Србија рано утрово, загинаа три лица, од кои една 68-годишна жена од Кочани со иницијали К.К. и еден 68-годишен маж од крушевско Бучин со иницијали В.Ш., извести македонското министерство за надворешни работи.

Тие известуваат дека третата жртва се’ уште не е идентификувана, бидејќи кај неа не се пронајдени документи за лична идентификација. Надлежните служби работат на идентификација и на повредените.

Автобусот кој што утрово се преврте во близина на Лесковац е на компанијата Еуробус од Струга, а кон местото на несреќата се упатиле министерот за здравство Венко Филипче, генералниот секретар на Владата Драги Рашковски и претставник од македонската амбасада во Белград.

Вкупно се повредени 32 лица, од кои 28 се вон животна опасност и се згрижени во општата болница во Лесковац. Од нив 4 се на хиругија, 1 на ортопедија.

Четворицата кои се потешко повредени се префрлени во Клиничкиот центар во Ниш. Според персоналот на болницата тие се вон животна опасност, но нивната ситуација константно се следи.

Од МНР известуваат на сите патници кои ќе бидат пуштени од болница ќе им биде обезбедено сместување.

Коронавирус