сабота, 27. ноември 2021. Вести денес: 113
home Вести

Пожарот кај Будинарци се уште активен – Гори и кај Сарај на непристапен терен, се бара помош од хеликоптер

Пожарот кај Будинарци се уште активен – Гори и кај Сарај на непристапен терен, се бара помош од хеликоптер

Центарот за управување со кризи соопшти каква е состојбата со пожарите во Македонија до 8:30 часот утринава.

Пожарот кој започна на 02.08.2021 година кај м.в.Бeјаз Тепе, е се уште активен во атарот на с. Будинарци во општина Берово. На терен се присутни противпожарните екипата од Словенија и од Австрија. Пожарот делумно е ставен под контрола а екипите работат на негово целосно локализирање каде гори високостеблеста борова шума, смрека, стрништа и сува трева.

Во општина Делчево пожарот кој започна на 02.08.2021 година во атарот на с. Нов Истевник маало Пасјак, последната состојба од теренот е дека пожарите на подрачјето на општина Делчево се локализирани и се ставени под контрола. Екипите што беа ангажирани во гаснењето на пожарот се повлечени. На терен се останати само вработените од Шумско стопанство Голак од Делчево кои дежураат. Во резерва во с. Тработивиште се лоцирани припадници на АРСМ ако има потреба да интервенираат.

Во општина Штип пожарот кој е во атарот на селата Драгоево и Селце сeуште е активен но е ставен под контрола. Екипите во моментот се повлечени но во договор со Директорот на ШС- Серта и Градоначалникот, на теренот е оставена цистерна со вода и луѓе од месното население. Екипи на ШС и ТППЕ од Штип на ден 10.08.2021 година во 06:00 часот одат повторно на терен.

Од ловиштето- Јасен известуваат дека има 24:00 часовно дежурство на делот на планината према ловиштето Јасен. Во моментов пожарот е стишан и нема опасност за да се прошири према ловиштето. Се гледа чад од страна на село Раовиќ каде гори мешана шума и е на доста непристапен терен.

Од страна на ЛС– општина Сарај информираат дека во тој дел се уште чади и пожарот е се уште активен. Бидејќи теренот е непристапен, нема можност за гасење од терен. ЕЛС- Сарај исто така известуваат дека доставиле барање за армиско летало во помош за гасење на пожарот.

Од ШС Караџица известуваат дека пожарот над село Раовиќ се дели на два крака, едниот е насочен кон Матка додека другиот оди далеку над селото Раовиќ, на многу непристапен терен, на истиот во утринските часови на терен се екипи од АРСМ, ДЗС и локалното население. Се планира гасење од воздух. (општина Сарај).

Во општина Петровец пожарот кај село Дивље е под контрола, нема опасност за селото и населението. По дејствувањето на пожарникарите од БППЗ на град Скопје, ШС Караџица како и локалното население, пожарот е насочен накај Средно Коњаре. Се очекува денес во раните утрински часеви на гасење на пожарот да излезат 10 лица од ШС Караџица како и 20 припадници на АРСМ за да го локализираат и стават под контрола.

Пожарот во атарот на Ракле- Никодин- Топлица е приземјен, но не е завршен. Позади с. Топлица кон с. Крстец, има чад но намалува со интензитетот. Со досегашните дејствувања со воздушната поддршка. Екипа на ЈП Мак. Шуми – Црн Бор Прилеп, со 7 работници се на терен, како и 3 војници од АРСМ. (општина Прилеп).

Пожар во с. Војница, гори нискостеблеста шума и смрека. На терен се ТППЕ- Велес со 2 возила и 6 пожарникари, комунално Чашка со 1 возило и 5 лица, шумско- Велес со 2 возила со 10 лица и 3 полицајци од Чашка. Пожарот сеуште не е изгаснат но е ставен под контрола. (општина Чашка).

Коронавирус