понеделник, 6. февруари 2023. Вести денес: 64
home Вести

Португалија обезбеди траен престој за 7 граѓани на Авганистан, во Македонија се уште 400

Португалија обезбеди траен престој за 7 граѓани на Авганистан, во Македонија се уште 400

Четворица возрасни и три деца изутрината од Меѓународниот аеродром Скопје преку Истанбул, заминаа за Португалија како нивно трајно одредиште.

-Станува збор за вработени во меѓународни организации и нивни семејства на кои во изминатиот период нашата земја им обезбеди привремено засолниште во рамки на меѓународната хуманитарна операција за помош на продемократското население во Авганистан кое е под закана на новата талибанска власт во земјата, информираат од Владата.

Македонија во моментов дава прибежиште на 407 граѓани од Авганистан.

-Тие овде ја добиваат целата потребна поддршка додека не се обезбеди трансфер до нивната крајна дестинација. Трошоците за престојот се покриени од меѓународните организации, се вели во соопштението од Владата.