недела, 8. декември 2019. Вести денес: 0
home Вести

Попов: МВР јавно да го објави налогот кој наводно го имал Димовски- во спротивно тој да си поднесе оставка

Попов: МВР јавно да го објави налогот кој наводно го имал Димовски- во спротивно тој да си поднесе оставка

МВР ТУРС продолжува да вози во летните денови. Продолжуваат скандалите на МВР со злоупотреба на службените возила. МВР ТУРС по турите до Солун, сега организира и бесплатни тури со службени возила до Охрид. По злоупотребата на службено возило за приватни потреби на сега поранешниот директор на БЈБ, Лазе Велковски, медиумите објавија дека службено возило во текот на минатата недела користел и Командантот на единицата „Алфа“ Примислав Димовски, истакна Сергеј Попов од ВМРО-ДПМНЕ.

-На фотографија која ја објавија медиумите се гледа како службено возило на МВР, управувано од Димовски се наоѓа на паркинг во Охрид. Единицата „Алфа“, чиј Командант е Димовски има овластувања за дејствија само на територија на Градот Скопје, активности надвор од Скопје може да врши само со претходно овластување од Началникот на СВР Скопје, рече Попов и додаде:

„Се поставува прашањето што бара началник на единица чие овластување за делување е само во Скопје, со службено возило да патува во Охрид, која задача ја вршел или пак бил на приватно викенд патување? Ако навистина имал работна задача во Охрид, еве го повикуваме МВР јавно да го објави налогот кој наводно го имал Димовски? Се друго во спротивно на ова е лага и манипулација од страна на МВР ТУРС и уште една злоупотреба на државни ресурси за приватни цели. МВР и Димовски да излезат и да го покажат налогот со овластување доколку го има, во спротивност Димовски да си поднесе оставка на функцијата Командант на единицата Алфа“.

Злоупотребите, потенцира тој, кои се заштитен знак на СДСМ не смеат да останат неказнети, а одговорност мора да има.