недела, 31. мај 2020. Вести денес: 0
Актуелна тема

Од минута во минута за ситуацијата со коронавирусот во Македонија и светот

home Вести

По зголемувањето на полицискиот час: 97 лица не ја почитувале мерката, приведени 62 од нив

По зголемувањето на полицискиот час: 97 лица не ја почитувале мерката, приведени 62 од нив

Од вчера на целата територија на државата започна да се применува ограничување на движењето во периодот од 16:00 до 05:00 часот.

Во текот на изминатото деноноќие:

◾ Вкупно 97 лица не ја почитувале мерката за ограничување на движењето, од нив 5 се лица на возраст до 18 години и 1 лице на возраст над 67 години. Од страна на полициските службеници приведени се 62 лица, опоменати се вкупно 10 лица, а за 23 лица земени се податоци за понатамошно постапување.

◾ Од страна на Секторите за внатрешни работи до Основното јавно обвинителство поднесени се 52 кривични пријави за 65 сторители и 17 известувања.
За 65 лица издадени се решенија за изолација, а 82 лица потпишале изјави за самоизолација.

◾ Додека пак, од страна на Секторот за секторот за компјутерски криминал и дигитална форензика регистирани се 2 настани поврзани со говор на омраза и за истите поднесени се известувања до ОЈО.

✋ Апелирам до граѓаните да се придржуваат и да ги почитуваат мерките за ограничување на движењето, а воедно благодарен сум на полициските службеници за посветеноста во извршување на работните задачи и обврски.

Коронавирус