петок, 4. декември 2020. Вести денес: 96
Во живо

ВМРО-ДПМНЕ денес со блокада во Скопје и со протест во 20 градови, оставка на Заев веднаш!

home Вести

Партиското раководство на средба со Герберих и Шулц: ВМРО-ДПМНЕ има план како да ја стави државата на брзата лента за членство во ЕУ

Партиското раководство на средба со Герберих и Шулц: ВМРО-ДПМНЕ има план како да ја стави државата на брзата лента за членство во ЕУ

Генералниот секретар на ВМРО-ДПМНЕ, Игор Јанушев заедно со потпретседателот, Владо Мисајловски и меѓународниот секретар Тимчо Муцунски остварија средба со амбасадорот на Сојузна Република Германија, Томас Герберих и Сузан Шулц, специјалниот пратеник на Германија за југо-источна Европа, Турција и земјите од ЕФТА.

На средбата се разговараше за актуелните политички случувања во државата, престојните избори, реформите и злоупотребите на власта.

Јанушев истакна дека престојните парламентарни избори се клучни за иднината на Република Македонија.
Соговорниците се согласија дека европската иднина на Република Македонија е тесно поврзана со изборниот процес на 12 апри, изборите мора да бидат фер и демократски, а граѓаните слободно да ја изразат својата волја.

Тој посочи по 12 април новата Влада предводена од ВМРО-ДПМНЕ ќе биде фокусирана на реформите кои ќе значат приближување на државата до европските стандарди, воедно Јанушев потенцираше дека ВМРО-ДПМНЕ има план како да ја стави државата на брзата трака за членство во Европската Унија.

Јанушев истакна дека криминалот и високата корупцијата се најголемите проблеми со кои се соочува македонската држава, воедно посочувајќи низа на криминални афери во кои беа вмешани високи државни и партиски функционери на СДСМ, злоупотреби за кои нема правна разрешница.

Соговорниците се согласија дека односите помеѓу двете држави се на одлично ниво, но постои простор за понатамошна соработка и продлабочување.

Коронавирус