сабота, 20. јули 2019. Вести денес: 21
home Вести

Паѓа довербата на СДСМ кај Македонците, со политички прогон се обидуваат да се спасат од тотален дебакл

Паѓа довербата на СДСМ кај Македонците, со политички прогон се обидуваат да се спасат од тотален дебакл

При денешното гостување на Костадин Костадинов, портпарол на СДСМ во емисијата „Само Вистина“ најави дека се подготвуваат кривични пријави против Генералниот секретар на ВМРО-ДПМНЕ, Игор Јанушев. Кривичните пријави се подготвуваат бидејќи наводно Генералниот секретар ги манипулирал граѓаните дека СДСМ поткупувал пратеници на ВМРО-ДПМНЕ.

Сето ова покажува дека стравот кај СДСМ се повеќе се зголемува по објавувањето на анкетата на МЦМС, бидејќи при низа недоследности, нелогичности и апсурди во статистика, кои ја одбележуваат последната анкета која беше спроведена од страна на МЦМС и телевизија Телма, она што беше најзапазено на прв поглед на анкетата е резултатот дека ВМРО-ДПМНЕ води кај Македонците, а СДСМ стана најпопуларна партија кај Албанците.

Според анкетата се согледува дека довербата кај Македонците се повеќе паѓа за СДСМ, а ВМРО-ДПМНЕ добива се поголема доверба. Со ова се докажува дека ниту еден монтиран случај од оваа власт или политички прогон ќе го скршат ВМРО-ДПМНЕ. СДСМ паѓа во очите на граѓаните, а повеќе сила добива ВМРО.

Поради драстичниот пад на СДСМ, Костадин при една прилика во денешното гостување на „Само вистина“ дури и рече дека не се потребни предвремени парламентарни избори бидејќи на граѓаните им се преку глава. Сето ова кажува само дека СДСМ се плаши и од избори бидејќи ја изгубија довербата кај граѓаните веќе одамна.