четврток, 5. август 2021. Вести денес: 149
Вонредна вест

ЦРНА СТАТИСТИКА ВО МАКЕДОНИЈА: Од коронавирус починаа 4 лица, 219 новозаразени

home Вести

Омбудсман: Училиштата веднаш да им ги вратат парите на родителите за свидетелствата

Омбудсман: Училиштата веднаш да им ги вратат парите на родителите за свидетелствата

Народниот правобранител и годинава констатира дека продолжува праксата дел од училиштата неосновано и надвор од закон да им наплаѓаат на учениците/родителите/старателите за издавање на свидетелства за завршено образование и ги повикува Министерството за образование и наука и Просветниот инспекторат да ги санкционираат сите субјекти кои ќе го сторат тоа, односно ќе го прекршат законот, бидејќи образованието е бесплатно. Доколку некому парите не му бидат вратени земените пари за свидетелства може да се јави кај Народниот правобранител за помош.

Некои училишта не ги земаат предвид сериозно реакциите на Народниот правобранител, кој и минатата година јавно укажа дека свидетелството претставува јавна исправа која во еден примерок му се издава на ученикот, и за издавање на истото училиштата не смеат да ги условуваат учениците, односно родителите/старателите со претходно уплаќање на определени средства.

„Народниот правобранител повикувајќи се на уставно загарантираното право на образование кое согласно законската регулатива е задолжително и бесплатно, укажува надлежните органи – Министерството за образование и наука и Државниот просветен инспекторат веднаш да ги предупредат училиштата дека не смеат да наплаќаат за издавање на овој документ, и да ги санкционираат сите субјекти кои. ќе го сторат тоа, односно ќе го прекршат законот”, се вели во реакцијата.

Според Народниот правобраните, недозволиво е училиштата да го користат моментот кога децата/учениците и родителите/старателите имаат краток временски рок за обезбедување на потребните документи за упис и да ги принудат да платат за добивање на документ кој, според сите прописи, е бесплатен.

Народниот правобранител, укажува Државниот просветен инспекторат да им наложи на училиштата веднаш да ги вратат незаконски наплатените средства за издавање на свидетелство и ги охрабрува сите на кои нема да им бидат вратени средствата да се обратат на бесплатната телефонска линија за деца кај Народниот правобранител 0800 88 500, за заштита на своите права.

Коронавирус