среда, 25. ноември 2020. Вести денес: 196
home Вести

Охридско Лето отворено со барање дивоградбите да се отстранат како диво месо

Охридско Лето отворено со барање дивоградбите да се отстранат како диво месо

Пренесувајќи ја пораката од уметниците на отворањето на годинашното издание на престижниот Фестивал „Охридско Лето“, режисерот Александар Поповски, цитираше дела, на како што го нарече „македонскиот Хомер“, Горан Стефановски. Правејќи паралела со сегашните случувања, Поповски констатира дека тие никогаш не ја губат актуелноста. Користејќи токму одломки од една од најзначајните драми на неодамна починатиот Стефановски, режисерот Поповски недвосмислено побара Охрид, државата и сите граѓани да отворат фронт кој жестоко ќе се спротивстави на уништувањето, не само на културното и на природното наследство.

„Ако дивоградбите ги разбереме како метафора на нашиот свет, тогаш Горан, треба твоето диво месо да го земеме како рецепт. Значи, јас читам сега диво месо, а Вие слушајте диво градби. Диво месо е верување дека ако некому влезе влакно во грлото, околу коренот на влакното ќе се створи месо кое не е човечко и кое ќе расне и ќе нарасне толкаво да го угуши човека. Месото мора да се откорне со нокти а раната да се изгори со жар“, рече Поповски.

(фотo: ohridnews.com)

Најнови вести

Коронавирус