понеделник, 21. јуни 2021. Вести денес: 28
home Вести

Обвинение за скопјанец: Барал 1500 евра од девојка да не објави видео со компромитирачка содржина.

Обвинение за скопјанец: Барал 1500 евра од девојка да не објави видео со компромитирачка содржина.

Основното јавно обвинителство Скопје поднесе Обвинителен предлог против едно лице кое се товари дека сторило кривично дело – Уцена од член 259 став 1 од Кривичниот законик.

-Обвинетиот 28-годишник, во периодот од 21 до 31 јануари, преку мобилната апликација Вибер, побарал од една оштетена да му даде 1.500 евра за да не објави нејзини фотографии и видео клипови со компромитирачка содржина. На 31 јануари, по претходен договор, се сретнале со оштетената во кафе бар на плоштадот „Македонија“, каде таа му предала парични средства во износ од 30.750 денари, односно 500 евра во денарска противвредност. Веднаш по преземањето на парите обвинетиот бил приведен, информираат од Обвинителството.

Јавниот обвинител до Основниот кривичен суд Скопје достави предлог за продолжување на претходно определената мерка куќен притвор за обвинетото лице, бидејќи постојат околности кои упатуваат дека тој би можел да се даде во бегство за да го избегне кривичниот прогон. ​​

ЕУРО 2020

Македонија