понеделник, 30. ноември 2020. Вести денес: 71
home Вести

Нова епизода од серијалот на вработувања во јавната администрација- Објавени се огласи за над 80 работни места

Нова епизода од серијалот на вработувања во јавната администрација- Објавени се огласи за над 80 работни места

Бранот на вработувања во јавната и државната администрација никако да престанат во предизборниот период.

Речиси нема ден, а да не се објават огласи за вработување, односно за само една недела над 16 институции објавија огласи за вработување на над 80 работни места.

Државни и јавни службеници се бараат во Државниот испитен центар, Службен весник, Министерството за правда, Комисијата за конкуренција, Комисијата за заштита од конкуренција, Дирекцијата за заштита и спасување, Државниот просветен инспекторат, Државното правобранителство, Судскиот совет, Генералниот секретаријата, Дирекцијата за безбедност на класифицирани информации, Фондот за иновации и технолошки развој, Министерството за информатичко општество и администрација, Институтот за стандардизација, како и 20те вработувања во Министерството за земјоделство, шумарство и водостопанство поточно во Управата за хидрометеоролошки работи.

За голем дел од огласите се нудат и доста солидни плати во зависност од позицијата.

Очите на јавноста се вперени токму во власта бидејќи таа е најодговорна за објавување на ваквите огласи што предизвика и големо разочарување затоа што и покрај големите ветувања од страна на СДСМ и премиерот Зоран Заев дека на Македонија и е потребна професионална и државна управа и јавен сектор во служба на граѓаните и натаму се примаат кадри по партиски и роднински правила.

Главен проблем што бранува во јавноста е што не е доволно познато дали вработените ги исполнуваат критериумите за стручност за да бидат вработени во институциите на државата.

Коронавирус