сабота, 23. јануари 2021. Вести денес: 0
home Вести

Нема да има масовни собири за Вевчанскиот карневал

Нема да има масовни собири за Вевчанскиот карневал

Поради пандемијата Вевчанскиот карневал симболично ќе биде одбележан. Ќе изостане богатата програма збогатена со културно забавните содржини кои се во организација на општината но поворка од василичарските друштва ќе има согласно протоколите за заштита од ширењето на заразата. Градоначалникот на Вевчани Јанкоски апелира да нема масовност и посети по домовите за празникот Василица.

Вевчанци 365 дена се подготвуваат за уличниот театар задржувајќи ја својата уникатност и архаичност. Општината не се меша во изборот на маските ниту па во начинот на кој ќе се реализира поворката која се случува еднаш во годината со која се слави доаѓањето на Новата година според стариот календар.

Покрај оригиналноста и импровизацијата, карактеристика на овој карневал е неговиот непрекинат континуитет што го прави единствен. Тој е стар над 1.400 години, колку и Вевчани, и се разликува од сите други карневали во светот.

Најнови вести

Коронавирус