недела, 29. ноември 2020. Вести денес: 0
home Вести

Мицкоски: Зоната Сачево за која Зоран Заев пред многу години ветуваше изградба на 16 фабрики, денеска е празна

Мицкоски: Зоната Сачево за која Зоран Заев пред многу години ветуваше изградба на 16 фабрики, денеска е празна

Денес сме во Општина Струмица, каде што ќе го почнам материјалот „Ветено, неисполнето“ на Зоран Заев и СДСМ. Овдека се наоѓаме пред зоната Сачево, која што беше ветена од страна на Зоран Заев пред многу години дека ќе бидат изградени 16 фабрики и дека ќе вработат до 2.500 граѓани, жители во Општина Струмица, но и од околните општини кои што гравитираат околу општината Струмица, изјави претседателот на ВМРО-ДПМНЕ Христијан Мицкоски при денешната посета на зоната Сачево во Струмица и додаде:

„Како што можете да видете години потоа оваа зона е празна, ниту една фабрика немаме, ниту едно ново вработување. Ова треба да биде пример за граѓаните на Република Македонија како не треба да се даде довербата на политичари кои што само ветуваат, а ништо не исполнуваат. Политичари кои што многу зборуваат и додека зборуваат лажат. Така што ние денеска ќе ја продолжиме нашата посета во Струмица, ќе имаме можност да поразговараме со жителите од Општина Струмица но и со околните општини кои што гравитираат на Општина Струмица.“

Мицкоски потенцираше дека од она што може да се види е дека во Република Македонија денеска и во секојдневие граѓаните живеат лошо, а истите се жалат на лошата економска ситуација.

-Луѓето можат да ги посочат сите нереализирани ветувања, сите неисполнети очекувања од страна на т.н. понуда „Живот за Македонија“ која што беше презентирана пред граѓаните на Република Македонија пред нецели две години. А, наместо живот за возврат добија пекол. Но она што денеска гледаме било и да не се повтори во Република Македонија. Доаѓаат претседателски избори во кои што ВМРО-ДПМНЕ очекува една голема победа, подвлече Мицкоски.

Најнови вести

Коронавирус