недела, 17. јануари 2021. Вести денес: 0
home Вести

Mицкоски: Тврдењето на Заев дека народот во Струмица и Петрич зборат ист јазик е глупост на Заев

Mицкоски: Тврдењето на Заев дека народот во Струмица и Петрич зборат ист јазик е глупост на Заев

Претседателот на ВМРО-ДПМНЕ, Христијан Мицкоски вечерва гостуваше во емисијата „Клик плус“ на ТВ 21 каде што посочи дека тврдењето на Заев дека народот во Струмица и Петрич говорат на ист јазик е глупост.
„Кај мене предизвика едно чуство на вознемиреност до гадење, кога слушнав дека Македонците од Струмица збореле на ист јазик како и граѓаните на нашиот источен сосед во Петрич. Јас не мислам дека е така, и мислам дека Македонците во Струмица зборуваат на Македонски јазик. Македонскиот јазик кој што се говори во Струмица не може никако да биде дијалект на бугарскиот јазик кој што се говори во Петрич. И тоа е една голема би рекол глупост од негова страна што беше кажана за тој бугарски медиум“, истакна Мицкоски.

Мицкоски додаде дека не знае дали тоа Заев го прави од незнаење, дали тоа го прави од немоќ, дали тоа го прави за да остави посилен циркузански впечаток кај напиот источен сосед па да речат видете го овој и да си поигруваат со него.

Коронавирус