сабота, 16. јануари 2021. Вести денес: 93
home Вести

Мицкоски: Тие што не гласале за ВМРО-ДПМНЕ сигурно имале причина за тоа, но сигурен сум дека не гласале за хаосот што се случува

Мицкоски: Тие што не гласале за ВМРО-ДПМНЕ сигурно имале причина за тоа, но сигурен сум дека не гласале за хаосот што се случува

Претседателот на ВМРО-ДПМНЕ, Христијан Мицкоски во гостувањето во емисијата „Јади Бурек“ на ТВ Сонце рече дека ги разбира сите граѓани кои на предвремените парламентарни избори во 2016., но и на локалните во 2017. гласаа против ВМРО-ДПМНЕ. Вели дека тие сигурно имале добра причина за тоа.

-Но тие граѓани сигурно не гласале за тоа што денес им се случува. Односно, им се случува 0 проценти економија, рече Мицкоски.

Според него, странските инвестиции кои претходно беа договорени си одат, а оние малкуте што останаа, оваа влада ги прикажува како нивни. Вели дека сепак тоа е добра работа, бидејќи тие сепак ќе креираат нови работни места.

Претседателот на ВМРО-ДПМНЕ истакна дека нема реформи во образованието социјалата и здравството.

Потенцира дека на секој чекор можат да се видат бизнисмените кои „кукаат“ бидејќи на пазарот нема слободен и свеж капитал.

-Гледаме криминал на секој чекор во државата. Главен бизнис во државата стана „купи камион – да вози по руднициве или по државните претпријатија“, или пак, „купи по некој хекрат земја и добиј лиценца за да садиш марихуана“ и тоа најчесто е контролирано од семејството. Така што, луѓето не само што се разочарани, и не само што ние тоа го гледаме во нашите средби, во нашите соочувања со граѓаните или пак на анкетите. Тоа се чувствува, енергијата многу лесно може да се препознае, појаснува Мицкоски.

Коронавирус