вторник, 1. декември 2020. Вести денес: 50
home Вести

Мицкоски: Со очајни изјави Заев пробува да си ја консолидира партијата, поразот на следните избори им е неизбежен

Мицкоски: Со очајни изјави Заев пробува да си ја консолидира партијата, поразот на следните избори им е неизбежен

Лидерот на ВМРО-ДПМНЕ, Христијан Мицкоски, денес положи цвеќе пред споменикот на Гоце Делчев по повод 117 годишнината од неговата смрт. Тој по завршување на настанот одговараше на новинарски прашања, а беше прашан за изјавата на Зоран Заев дека ВМРО-ДПМНЕ се плаши од избори.

Прашање: Заев денес рече дека кризата предизвикана од Ковид 19 не е единствената причина поради која ВМРО-ДПМНЕ не сака избори, туку дека вие ќе изгубите бидејќи рејтингот не е добар за вашата партија?

Јас не би ги коментирал рејтинзите. Тоа што господинот Заев го чита како бројки претпоставувам дека и врз основа на тоа носи определени заклучоци. ВМРО-ДПМНЕ и јас лично сме убедени во убедлива победа на следните парламентарни избори кога и да се случат, така што еве изјавата на Зоран Заев ја сметам како негов момент на слабост, храбрење во рамките на раслоената сопствената партија, раслоеното партиско ткиво. Но, и тоа е легитимно да се бори да создаде некаква привидна  артифицијална кохезија внатре во самата негова партија, она што ние како ВМРО-ДПМНЕ можеме да го кажеме е дека и вие и сите ние знаеме кога и да се случат тие избори ВМРО-ДПМНЕ ќе победи,  господинот Зоран Заев нека ги коментира бројките. Се сеќавате во минатото често пати коментираше бројки и за референдумот и за претседателските избори, но за жал бројките подоцна во реалноста го демантираа. Така ќе биде и овој пат и ќе доживее голем пораз. Но, повторно ќе кажам, ниту мене лично, ниту на ВМРО-ДПМНЕ не ни треба власт по цена на човечки животи. Прво да ги санираме последиците кои што се резултат на оваа пандемија и разумно е потоа да одиме на избори каде што СДСМ ќе загуби.

Коронавирус