понеделник, 18. октомври 2021. Вести денес: 162
home Вести

Мицкоски со честитка по повод празникот Божиќ до поглаварот на МПЦ г.г. Стефан

Мицкоски со честитка по повод празникот Божиќ до поглаварот на МПЦ г.г. Стефан

Дозволете во мое лично име и во име на членовите на ВМРО-ДПМНЕ на сите православни верници во Република Македонија да им го честитам големиот христијански празник, Рожденство Христово- Божиќ, стои во честитката на претседателот на ВМРО-ДПМНЕ, Христијан Мицкоски до Поглаварот на Македонската Православна Црква – Охридска Архиепископија, Архиепископ Охридски и Македонски Г.Г. Стефан.

– Посакувам овој светол празник секој граѓанин на нашата татковина да го дочека во здравје, мир и благосостојба. Нека светоста на денот ги огрее домовите на верниците во овие мрачни времиња кога сме исправени пред предизвиците поврзани со здравствената и економската криза во која се наоѓаме. Мирот во душите и безграничната љубов кон своите ближни, соседи, пријатели и сонародници нека биде ѕвездата водилка која ќе ни помогне да излеземе посилни и посплотени, затоа што само така ќе можеме да чекориме по патот на заедничкиот успех, вели Мицкоски.

– Надежта кон подобро утре е симболот на Божиќ и никако не смееме да заборавиме на трајните христијански вредности кои го водат човека, но и целата цивилизација кон подобар живот. Почитта, волјата и хуманоста нека бидат наш сопатник низ овие трнливи патеки кои ги чекориме. Така ќе ја изградиме иднината која ја сакаме за нас и за нашите поколенија, иднина во која зад себе ќе ја оставиме сиромаштијата, несигурноста и поразите со кои денес живееме, посочи тој.

Со вербата во Бога и вербата во мудроста и истрајноста на народот да чекориме кон подобро утре, оставајќи ја мрачната сегашност. Христос се роди, навистина се роди. Честит Божиќ, нека е вечен празникот, нека е вечна Македонија, посака Мицкоски.

Локални избори 2021