недела, 13. јуни 2021. Вести денес: 0
home Вести

Мицкоски по средбата со пазарџиите: Настрана розевите очила и лагите на владата, народот живее тешко и во сиромаштија

Мицкоски по средбата со пазарџиите: Настрана розевите очила и лагите на владата, народот живее тешко и во сиромаштија

Претседателот на ВМРО-ДПМНЕ Христијан Мицкоски денеска оствари средба со пазарџиите на „Зелено пазарче“.

-Разговаравме за начинот како властите овдека во Општина Центар, во градот Скопје се однесуваат со нив. Како се задоволни, т.е. да бидам попрецизен незадоволни од моменталната ситуација во која што самите работат и во која што државата се наоѓа. Она кое што е важно, да кажам, дека наместо розевите очила кои што се обидуваат владата и скапо платениот ПР со нормално државни и крадени пари да го претстават, овие луѓе овдека буквално солзи ронат и едвај од крај со крај врзуваат во први месец. Она кое што можев да го слушнам, навистина е страшно, тажно, но истовремено и разочарувачки и дополнително не мотивира да истраеме и да се бориме, и да направиме подобра држава од оваа која што денеска ја доведе Зоран Заев и ова раководство на СДСМ и оваа Влада, коалиција СДСМ – ДУИ, истакна Мицкоски по средбата.

Тој посочи дека во периодот кој следи вакви посети се императив и за нив како политичка партија, заедно со граѓаните да ја напишат, како што рече, следната изборна програма која што ќе биде дел од локалните избори.

-Но истовремено и да се подготвиме за нови предвремени парламентарни избори на кои што оваа Влада ќе биде минато, и ќе дојде Влада која што ќе работи за интересите на граѓаните, и за интересите на Македонија. Она што можам како човек да се обврзам, како нивен сограѓанин е дека сето свое знаење, сето време кое што ќе ми биде на располагање ќе работам исклучиво за интересите на овие луѓе, бидејќи нема поголемо задоволство за човек да направи друг човек среќен, нагласи Мицкоски.

Најнови вести

ЕУРО 2020

Македонија