петок, 25. септември 2020. Вести денес: 10
home Вести

Мицкоски: Имаме општествена депресија, граѓаните се незадоволни од секојдневието

Мицкоски: Имаме општествена депресија, граѓаните се незадоволни од секојдневието

Со жалење можам да констатирам дека се работи за еден тежок период за Република Македонија, за што сведочат и јавувањата на граѓаните во утринските емисии. Генерално луѓето не се задоволни од квалитетот на живот и тоа можам да го препознаам и во секојдневните контакти со граѓаните, без разлика на нивната старосна возраст, истакна претседателот на ВМРО-ДПМНЕ Христијан Мицкоски во утринската емисија за Сител телевизија, „Ја сакам Македонија“.

Мицкоски посочи дека од сите нивни заклучоци, сугестии и критики политичарите треба да извлечат поука и да ја дефинираат траекторијата по која треба да ги движат политиките.

– Јас мислам дека многу нешта треба да учиме од утринските програми и од критиките и сугестиите на граѓаните. Опшествена депресија завладеа во државата и нормално затоа што имаме политичари кои се можеби последните остатоци од оние транзициони политичари кое своето политичко битисувањепретежно  го темелат на ветување и нула реализација, вели Мицкоски.

Коронавирус