недела, 28. ноември 2021. Вести денес: 87
home Вести

Локализиран пожарот кај Будинарци, гори кај Катланово и ловиште Јасен

Локализиран пожарот кај Будинарци, гори кај Катланово и ловиште Јасен
фото илустрација

Центарот за управување со кризи информира за состојбата со пожарите до 8:30 часот утринава.

Пожарот кој започна на 02.08.2021 година на м.в.Бeјаз Тепе е локализиран. На терен се 100 припадници на АРСМ, Екипа од Бугарија со 5 ПП возила и 37 пожарникари, екипа на ШС Равна Река со 2 теренски возила со цистерни и 4 возила за превоз и 30 вработени, екипа на ШС Малешево со 4 теренски возила со цистерни и 6 теренски возила за превоз и 45 вработени, ТППЕ Берово со 3 ПП возила и 7 пожарникари, ДЗС со 1 теренско возило со цистерна и 5 вработени, РЦУК Берово 2 вработени, 40 луѓе од месното население.

На терен е и екипата од Словенија, како и екипата од Австрија. Пожарот во атарот на с.Будинарци е ставен под контрола и е локализиран. Екипите работат на негово расчистување.

Пожарот кај Раовиќ – Буковиќ каде на неутврдена површина гори мешана шума, во текот на вчерашниот ден врз пожарот е дејствувано воздушно ( авионски ) во 3-4 наврати, Исто така од земја е интервенирано со 20 – тина војници на АРСМ и 20 – тина припадници на ДЗС. возила.

Од Ловиштето Јасен известуваат дека пожарот од Раовиќ се префрлил на територијата на Ловиштето Јасен

На дежурство во селото Раовиќ биле испретени 2 ПП возила со 5 пожарникари.  Истата екипа кракот од пожарот кој се спуштал кон селото во 02:00 часот го угаснала. Другите краци на пожарот се уште горат.

На пожарот кај Катланово, односно Дивље и Крушје, од земја е дејствувано со 10 вработени и од страна на БППЗ со една екипа 1 ПП возило и 4 пожарникари и 20 припадници на АРСМ. Фронтот на пожарот е насочен кон с. Средно Коњаре . Интензитетот на горење моментално е намален но состојбата може наеднаш да се промени.

Пожарот во атарот на селата Топлица,Ракле и Никодин е сеуште активен во делот од Топлица према село Крстец во тешко пристапен терен. Во текот на вчерашниот ден интервенирале 6 работници од ЈП Национални Шуми – „Црн Бор“ – Прилеп. Во текот на денот немало поддршка за гасење со воздухоплови.

ТППЕ – Прилеп извести дека не испратиле екипа на овој пожар во текот на денот. За состојбата со пожарот од страна на РЦУК – Прилеп известени се ЕЛС – Прилеп, ДЗС – Прилеп, МВР – ПС Прилеп.

Најнови вести

Коронавирус