понеделник, 3. август 2020. Вести денес: 51
home Вести

„Лидер“: Тепачка во штабот на СДСМ во Македонски Брод, повреден е градоначалникот

„Лидер“: Тепачка во штабот на СДСМ во Македонски Брод, повреден е градоначалникот

На 30 јуни околу 20 часот во просториите на изборниот штаб на СДСМ од Македонски Брод, кој се наоѓа на улица „Илија Игески Цветан“, поради внатрепартиски несогласувања околу прераспределбата на работни места дошло до вербална расправија помеѓу две фракции која завршила со меѓусебна физичка пресметка на самата улица, поради што дошло до вознемиреност кај граѓаните кои во тој момент се движеле по улицата, дознава ЛИДЕР.

-Како што неофицијално дознаваме, во истата учествувале две групи активисти на СДСМ: едната која ја предводи актуелниот кандидат за пратеник Анета Симеска Димоска и другата, предводена од градоначалникот на Македонски Брод, Живко Силјановски.Неможејќи да ја контролира ситуацијата координаторот на општеинската организација го напуштил состанокот, а најдебелиот крај го извлекол градоначалникот, кој бил нападнат и се здобил со физички повреди од братото на пратеничката, Жарко Симески, кој воедно е и директорт на Здравствениот дом во Македонски Брод, пишува порталот.

За немилиот настан како неми сведоци истанале расфрланите маси и столици во и околу објектот.

-Пресметката продолжила и наредниот ден на начин што сопругата на градоначалникот, која е вработена во Здравствениот дом бил  изложена на мобинг од страна на тепачот. За трагедијата да биде уште поголема, иако настанот бил пријавен во полициската станица во Македонси Брод, по наредба на командирот настанот бил сокриен и не биле превземени никакви службени дејствија. Револтирани членови на СДСМ со наведнати глави тивко коментираат за настанот, срамејќи се од раковотството, а во воздухот во Македонски Брод остана да лебди прашањето: Дали животот што го најавуваше Заев изгледа вака?-објави ЛИДЕР.

Коронавирус