недела, 9. мај 2021. Вести денес: 129
home Вести

Крсто Мукоски излегува од притвор

Крсто Мукоски излегува од притвор

Пратеникот од ВМРО-ДПМНЕ, Крсто Мукоски, кој беше во куќен притвор, од денеска е пуштен да се брани од слобода.

Апелациониот суд Скопје до Основниот суд Скопје 1 – Скопје, денеска достави решение со кое ја уважил жалбата на Крсто Мукоски, обвинет во предметот со КОК бр. 40/18 поврзан со настаните од 27 април 2018 година во Собранието на РМ со кое ја уважил жалбата изјавена против решението на Кривичниот совет. Судот го преиначил решението на советот со што ја укинал мерката куќен притвор, определена со решение на Врховен суд на РМ, продолжена со решение на кривичен совет при Основен суд Скопје 1 – Скопје. Судот му определил на Мукоски мерки за претпазливост – Одземање на патна исправа, односно забрана за издавање нова и Обврска обвинетиот повремено да се јавува на овластено службено лице во судот во Струга, соопшти Судот.

Претходно, од куќен притвор беше ослободен пратеникот на ВМРО-ДПМНЕ, Сашо Василевски, кој е обвинет во случајот со настаните од 27 април лани во Собранието, и кој даде гаранција во недвижен имот. во вредност од околу 400.000 евра.

Од куќен притвор беше ослободен и пратеникот Љубен Арнаудов, така што сега нема ниту еден пратеник обвинет за насилствата на 27 април во притвор.

Коронавирус