петок, 14. јануари 2022. Вести денес: 59
home Вести

Ковачки: Владата е делегитимирана, потребни се брзи предвремени парламентарни избори

Ковачки: Владата е делегитимирана, потребни се брзи предвремени парламентарни избори

Моменталниот распоред на пратенички мандати во собранието не го рефлектира актуелниот став на граѓаните, кој беше изразен на 31 октомври, рече Драган Ковачки член на ИК на ВМРО-ДПМНЕ и пратеник во Собранието, во вечерашното гостување на Телевизија 21 во емисијата „Клик Плус“.

-Владата е делегитимирана на последните избори, составот на ова актуелно мнозинство не ја рефлектира јасно изразената волја на граѓаните на локалните избори и затоа потребни се нови предвремени парламентарни избори, посочи Ковачки и додаде:

„А согласно резултатот од последните избори јасен е заклучокот дека владата е делегитимирана и дека се потребни брз предвремени парламентарни избори“.

Тој укажа дека барањето за предвремени парламентарни избори не е авантура туку тоа е реалност.

-Во моментов се наоѓаме во неколку кризи и енергетска, економска и здравствена криза. Состојбата во која што е доведена државата до овие кризи е токму од моменталната власт на СДСМ и ДУИ и затоа ВМРО-ДПМНЕ кажува дека тие не можат да бидат решение на тие проблеми, затоа што тие се оние кои што тие проблеми ги создале. Потребно е да се рефлектира волјата на граѓаните која што беше рефлектирана на 31ви октомври од страна на граѓаните за брзи предвремени избори се со цел за целосно воспоставнување на стабилна Влада, заклучи Ковачки.

Коронавирус