петок, 23. јули 2021. Вести денес: 180
home Вести

Костовски: МВР на Спасовски да ги казни сторителите на вчерашниот инцидент и приведување, ВМРО-ДПМНЕ и денеска протестира, Заев да го покаже патоказот

Костовски: МВР на Спасовски да ги казни сторителите на вчерашниот инцидент и приведување, ВМРО-ДПМНЕ и денеска протестира, Заев да го покаже патоказот

МВР на Спасовски вчера приведе член на ВМРО-ДПМНЕ, млад човек кој мирно протестираше и го изразуваше својот револт против продажбата на Македонија, нејзиниот идентитет, јазик и историја од страна на Зоран Заев. Ова е фрапантна аудио снимка направена од мобилниот телефон на Стефан Калошев кој се наоѓал во неговиот џеб при апсењето. На снимката кој што сега ќе ја пуштиме се слуша како луѓето на Спасовски го малтретираат, тепаат и пцујат додека го приведуваат. Од ова снимка се слуша гневот и омразата на власта кон народот. Од ова снимка станува јасно дрка апсењето е директна наредба на Зоран Заев и Оливер Спасовски, ИСТАКНА Дарко Костовски, пратеник на ВМРО-ДПМНЕ.

Во продолжение следува интегрален текст од неговата прес-конференција: 

Ова е хибридниот режим на дело.

Очекувам одговорност од Спасовски. Веднаш да има одговорност како од директните сторители така и од него лично.

Ова насилие е плод на предавствата на Заев.

Зоран Заев и Владо Бучковски подолг период наназад тајно преговараат со Бугарија, а на маса е бугарската декларација која значи негација на македонскиот идентитет, јазик и историја.

Двоецот Бучковски и Заев ја продаваат Македонија.

Протестираме и бараме Зоран Заев јавно да го покаже патоказот за кој преговара. Јавноста не смее да биде исклучена.

Припадниците на МВР спротивно на закон го лишија од слобода, а потоа и физички го малтретираа Стефан.

Стефан е нападнат затоа што заедно со сите нас побара Заев да каже за што преговара и да го покаже таканаречениот патоказ за решавање на односите со Бугарија, а кој според нашите информации содржи елементи на национално предавство.

Зоран Заев и Оливер Спасовски, сте ја згрешиле адресата, ВМРО не ви се плаши. Сите ние повторно ќе излеземе на улиците и ќе протестираме секогаш кога во прашање е Македонија и заштита на македонските национални интереси.

Денеска заедно со Стефан ќе поднесеме и претставка до Одделот за внатрешна контрола на МВР за неправилно постапувањето на полицискиот службеник при негово приведување. Поднесуваме пријава за да има траг за процесуирање и санкционирање на таквото однесување.

Воедно бараме извинување од Спасовски кој наместо заштитник на мафијата еднаш да биде заштитник на народот.

Ги знаеме и тие кои дале наредба за ова насилие и полицаецот кој е одговорен. Даваме 24 часа сами да ги кажат.

Воедно, ве повикуваме денеска со почеток од 15 часот на блокади на крстосниците кај Мавровка, Градска болница Наум Охридски и НИП Нова Македонија. Исто така и во 9 градови низ Република Македонија.

Излези за Македонија! Доста е!

Коронавирус