понеделник, 14. јуни 2021. Вести денес: 40
home Вести

Корупцијата потврдена од Транспаренси Интернешнл го јаде бизнисот

Корупцијата потврдена од  Транспаренси Интернешнл го јаде бизнисот

Откако се мери корупцијата во земјава, вчера Македонија го доби најлошиот резултат до сега.

Транспаренси Интернешнл ја смести Македонија на 111 место и сме во друштво на Монголија, Панама и БиХ.

И самите граѓани се сведоци на тоа дека во државата цвета корупцијата и криминалот, но сега сето тоа е потврдено и од најрелевантната светска организација која го подготвува индексот на перцепција на корупција, а тоа е Секретаријатот на Транспаренси Интернешнл кој се наоѓа во Берлин.

Но, според владините претставници извештајот на Транспареси Интернешнл не е валиден. Па, така вицепремиерот Љупчо Николовски ќе излезе и ќе каже дека тоа е само лоша перцепција на граѓаните.

Во однос на оваа изјава на вицепремиерот, денеска Слаѓана Тасева од Транспаренси Интернешнл Македонија посочи дека граѓаните не се прашувани.

-Се работи за истражување кое не е перцепција на граѓаните, туку се работи за статистика, се анализираат случаи, се прават анкети со луѓе коишто имаат контакт директо со таа држава којашто е опфатено со индексот за перцепција на корупцијата, вели за медиумите Тасева.

Науката има јасни и непобитни докази за негативната корелациска врска помеѓу корупцијата и економскиот раст. Затоа минатата година Македонија влезе во рецесија и негативниот раст се очекува и 2021 година. Корупцијата негативно влијае во сите сегменти и државата ја прави политичка нестабилна, ги уништува условите за водење бизнис и инвестициската клима.

Според претседателот на Асоцијацијата на странските компании и технолошко напредно производство, Виктор Мизо лошата бизнис клима ги натера странските компании да си заминат од Македонија. И своите реинвестиции ги реализираа во други соседни држави, како на пример во Србија.

-Во изминатиот период компаниите постојано се жалеа и ја критикуваа лошата бизнис клима. Владата често менува закони и недоволната грижа од страна на владините претставници кои се задолжени за странските компании, вели Мизо.

И компаниите чувствуваат дека корупцијата им пречи во водењето бизнис, особено на оние кои навистина сакаат да се пласираат на пазарот со квалитет и продуктивност, а не преку коруптивни делувања. Сепак, чувствуваат дека индивидуално немаат моќ да ги променат работите. Ова е една од забелешките добиени по спроведувањето на тригодишниот проект за спречување и борба против корупцијата во бизнис-секторот, финансиран од Европската унија, а спроведен од Центарот за граѓански комуникациии во партнерство со „Конект“ и Здружението на даночни советници.

Затоа извештајот за деловно работење (Doing business) на Светска банка во 2020 година ја стави државата на 78-то место во светот за започнување бизнис, за 31 место подоле од 2019 година. Неодамна и британскиот “Фајненшл Тајмс” објави дека поради лошата бизнис клима, странските инвеститори бегаат од Македонија како “ѓавол од темјан”.

Според лидерот на ВМРО-ДПМНЕ Христијан Мицкоски, за да се развива домашниот, но и странскиот бизнис во државата, клучна е борбата против корупцијата и заштита на правната држава.

-И Стејт департментот укажа дека спроведувањето на законите за борба против корупцијата во Македонија е слабо и селективно насочено кон владините критичари и прекршителите на ниско ниво. Многу бизниси кои работат, вклучително и некои американски бизниси, ја идентификуваа корупцијата како проблем во владините тендери и во судството, наведе Мицкоски.

ЕУРО 2020

Македонија