петок, 16. април 2021. Вести денес: 67
home Вести

Кој од Владата наредуваше да се бришат вести од бабата критичар на Заев?

Кој од Владата наредуваше да се бришат вести од бабата критичар на Заев?

Зоран Заев и Александар Наумовски вчера беа критикуван од страна на Баба Перса, која без да се воздржи им укажа на премиерот и градоначалникот на општина Ѓорче Петров за работите кои ги ветиле, а не ги исполниле.

Медиумите објавија, но веднаш потоа дел од нив ги избришаа текстовите. Новинари пак, веднаш реагираа за ова на социјалните мрежи.

-Имаше и такви медиуми кои ги избришаа критичните текстови од средбата на градоначалникот на Ѓорче Петров во Волково со премиерот и кавгата со жителите, а потоа објавуваа видео одговори од градоначалникот кон жителите, пишува новинарката Сашка Цветковска на Фејсбук и додава:

„Дечки, лесно се наоѓаат траги на интернетот. И време е за поголема транспарентност и одговорност кон јавноста во однос на тоа како медиумите ги бираат темите и како носат одлуки за тоа што го работат, како утврдуваат дека тоа што го работат е од јавен интерес, нешто што се вика уредничка транспарентност. Кога бришат и отстрануваат цел текст, треба и да информираат зошто. Граѓаните треба и тоа да го знаат ако сакаме и бараме доверба“.

На овој Фејсбук статус се надоврза и новинарот Сунаи Сабриоски, кој напиша: А имаше и наши колеги кои од старт ги нарекоа бабите ненормални и избркани од дома и му се тутнаа на премиеров за да му кажат дека другиве сме лудаци.

Коронавирус