недела, 17. јануари 2021. Вести денес: 0
home Вести

Кој му дели памет на Заев: Стефани и Сокол

Кој му дели памет на Заев: Стефани и Сокол

Велешанката Стефани Арсовска и скопјанецот Филип Андов наречен Сокол се дел од долгата листа советници на претседателот на Владата Зоран Заев кои за својот ангажман добиваат по 30 илјади денари месечно, објави Истражувачката репортерска лабораторија ИРЛ Македонија.

Арсовска во 2015 годинa ги завршува своите студии на приватниот универзитет ФОН. Пишува колумни за партизацијата, за владеењето на правото, за системот на заслуги во онлајн порталот „Бриф“. Како родена во раните девеесетти, Арсовска сака да зборува гласно и за неправдите врз младите без партиска книшка кои не можат да најдат работа, меѓу нив и нејзини пријатели.

Во 2015 почнуваат нејзините ангажмани во СДСМ кога ја посетува и праксата за млади. Taa магистрира на Универзитетот ФОН на политички науки од областа на надворешната политика и дипломатија. Арсовска по дипломирањето и магистрирањето на ФОН унверзитетот кусо му била и демонстратор на професорот Нано Ружин на предметот „Историја на цивилизации“.Неговиот син Александар Ружин и Стефани Арсовска во ист ден добиваат договори со владата за да го советуваат премиерот.

Филип Андов наречен Сокол им е познат на многумина во Скопје од вечерните излегувања и дневните кафе-пиења по скопските кафулиња. Чест гостин е во ресторанот „Дион“ на скопскиот кеј каде што во викендите се забавува на забавна и турбо фолк музика. Таму излегуваат многу видни сегашни и поранешни функционери, лица од естрадата, но и контроверзни бизнисмени и членови на подземјето. На пример, братот на премиерот Зоран Заев, Вице, правеше новогодишен прием за политичари, бизнисмени и новинари токму во „Дион“.

ВМРО-ДПМНЕ неодамна обвини дека за Андов постојат и кривични пријави за насилство кои стојат во фиока. Неговиот брат е полицаец, а негови добри пријатели се градоначалникот на Кисела Вода Филип Темелковски и директорот на зоолошката градина Ѓорѓи Галетановски.

Коронавирус