недела, 24. јануари 2021. Вести денес: 57
home Вести

Јаулески: Телото ТИМ МЛАДИ ќе учествува со креирањето на политиките на ВМРО-ДПМНЕ, распишан оглас за членовите

Јаулески: Телото ТИМ МЛАДИ ќе учествува со креирањето на политиките на ВМРО-ДПМНЕ, распишан оглас за членовите

Македонија е држава со младинска невработеност од над 50%, држава во која ниту еден универзитет не е на Шангајската листа меѓу топ 1000 универзитети во светот, држава каде студентите чекаат да бидат сместени во студентски домови 10 дена по почетокот на студентската година, во домови во кои се служи ниско калорична храна полна со бубачки и пикавци, изјави денес претседателот на УМС на ВМРО-ДПМНЕ, Јован Јаулески.

Тој рече дека Македонија е држава во која младината беше излажана од Зоран Заев.

-Македонија е држава во која секој млад човек гледа да го заврши своето образование и да замине во странство. Држава во која три години се случува егзодус врз младиот човек. Време е да ставиме крај на лошите политики. Време е да ставиме крај на СДСМ и катастрофата која им се случува на младите. УМС на ВМРО-ДПМНЕ водена од идејата за поголема младинска вклученост во општеството и политичките текови во државата, распишува оглас за пријавување на членови за телото ТИМ МЛАДИ, тело кое активно ќе учествува како во креирањето и дооформувањето на програмата на ВМРО-ДПМНЕ во делот на младите, така и во претстојната кампања на ВМРО-ДПМНЕ за претстојните парламентарни избори, посочи Јаулески.

Претседателот на УМС рече дека ги поттикнуваат сите млади кои се во последната година на студии, дипломци, постдипломци и докторанти со просек од над 8.5, а немаат навршено над 29 години да се пријават на огласот и да дадат свој придонес во активното градење на Македонија во периодот што следи.

Огласот е отворен од денес и ќе трае во наредните 15 дена. Време е за младиот, образован и напред млад човек да му се даде можност да се вклучи во градењето на Македонија. Да креираме проекти од младите за младите. Да создадеме општество во кое секој млад човек ќе сака да остане, работи и да основа семејство. Македонија може. Потребна е обнова. Обновата доаѓа. Вклучи се, посочи Јаулески.

Коронавирус