понеделник, 19. октомври 2020. Вести денес: 154
home Вести

Изборните спотови на Русковска и предизвикале лутина кон ВМРО-ДПМНЕ- значи ли дека лутина ќе влијае и во случаите кои ги води против партијата?

Изборните спотови на Русковска и предизвикале лутина кон ВМРО-ДПМНЕ- значи ли дека лутина ќе влијае и во случаите кои ги води против партијата?

Во Граѓанскиот суд денеска почна судењето по тужбата за клевета што ја поднесе шефицата на Обвинителството за гонење на организиран криминал и корупција, Вилма Русковска против претставници на ВМРО-ДПМНЕ за двата спота од предизборната кампања во кои се појавуваше ликот на обвнителката и се тврдеше дека поднесува обвиненија по нарачка на СДСМ.

Тие предизвикале душевна болка и анксизност кај Русковска и затоа бара 10 илјади евра отштета од лидерот на партијата Христијан Мицкоски, овластениот претставник на изборната коалација, Игор Јанушев, партијата ВМРО-ДПМНЕ и коалицијата „Обнова на Македонија“ и замрзнување на сметката на коалицијата за оваа сума, јавува Телма.

Инаку КУРИР дојде до официјалниот заклучок и вештачењето каде пишува дека обвинителката Русковска во продолжената реакција на стресниот настан (гледањето на спотот) доживува душевно трпење до среден интензитет. Интевизирање се јавува при мисловни обработки и разговор за содржината на спотовите.

Во склоп на душевното трпење присутни се и следните манифестации:

ЛУТИНА кон тужените затоа што со изнесеното во спотовите доживува дека се создава јавно мислење против неа и атак врз нејзините чест и углед. Како и веќе горе наведените Анксиозност и загриженоста и душевната болка.

Експертите кои ги консултираше КУРИР од тука го поставуваат прашањето дали чувството на лутина од страна на Русковска значи и лутина кон целата партија ВМРО-ДПМНЕ?

Дали лутината кон партијата значи и носење на такви одлуки како јавен обвинител во случаите кои ги води токму Русковска против ВМРО-ДПМНЕ?

Значи ли дека лутината која ја навела обвинителката кон партијата е закана за сите обвинети лица кои во изминатиот период ги гони обвинителството на Русковска останува времето да покаже.

Денеска по првото рочиште се огласи и адвокатот Панче Тошковски кој вели дека тужбеното барање на Русковска е неосновано.

-При што морам да потенцирам две работи кои што се битни за нас. Првата работа поради која што цениме дека тужбеното барање во целост е неосновано, е заштитата на членот 10 од Европската Конвенција за човекови права, слободи и права, односно потребата од почитување на правото за слободно изразување на мислата. Особено на критичката мисла која што е насочена кон работењето на државните органи и на власта во Република Македонија. Се поставува прашање што е побитно? Дали јавниот интерес, дали потребата граѓаните да бидат информирани, потребата на граѓаните на Република Македонија да можат да постават одредени прашања во саркастични и провокативна форма?, прашува тој.

-И воедно заштитата на членот 10, или заштитата на приватната репутација на еден јавен функционер која што патем е платена од пари на граѓаните на Република Македонија, извршувајќи ја функцијата како што ја извршува обвинителката за организиран криминал, заклучи Тошковски.

Коронавирус