четврток, 22. април 2021. Вести денес: 92
home Вести

Иванов до граѓаните: Во новата година, посакувам повеќе да ја сакаме нашата заедничка татковина Република Македонија

Во новата година, посакувам повеќе да ја сакаме нашата заедничка татковина Република Македонија, и секој од нас да даде личен придонес за едно поубаво општество за нашите деца, родители, роднини, соседи и пријатели. 
Иванов до граѓаните: Во новата година, посакувам повеќе да ја сакаме нашата заедничка татковина Република Македонија

Претседателот на Република Македонија, Ѓорѓе Иванов испрати честитка до граѓаните на Република Македонија по повод Нова година.

Честитката ја пренесуваме во целост: 

Дозволете да ви ја честитам Новата 2018 година и од се срце да ви упатам искрени желби за добро здравје, за повеќе радост, поголеми успеси и подобро утре. 

Изминатава година бевме соочени со многу предизвици и премрежија. Политичката атмосфера, за жал, непријатно се одрази на целото општество и на секој од нас посебно.  

Искрено се надевам дека во годината што доаѓа ќе се посветиме на убавите и позитивни нешта. Се надевам дека ќе смогнеме сила за да ги надминеме поделбите, да ги отфрлиме предрасудите, да се сплотиме околу државните интереси и да зачекориме на вистинскиот пат. Пат што води до поквалитетен живот, просперитетблагосостојба за сите наши граѓани. Да живееме во праведно општество втемелено врз вистината, слободата и мирот. 

Затоа, ви посакувам новата година да ја започнеме со позитивни мисли, и силна верба и надеж дека можеме да ги исполниме нашите искрени желби. 

Во новата година, посакувам повеќе да ја сакаме нашата заедничка татковина Република Македонија, и секој од нас да даде личен придонес за едно поубаво општество за нашите деца, родители, роднини, соседи и пријатели. 

Посакувам повеќе да се почитуваме, да шириме љубов за да имаме мир со себе си и со другите.

Коронавирус