петок, 18. октомври 2019. Вести денес: 87
home Вести

„Иванов чесно си ја вршеше функцијата претседател“

„Иванов чесно си ја вршеше функцијата претседател“

Претседателот на ВМРО-ДПМНЕ, Христијан Мицкоски во своето гостување на Алфа телевизија одговори на нападите кон Иванов од страна на Пендаровски, посочувајќи дека претседателот Ѓорѓе Иванов во своите два мандати чесно ја вршеше својата функција. Тој истакна дека господинот Иванов изминативе 10 години ја потврди својата чесност, честитост и немаше ниту една афера поврзана со неговото име.

-Апсолутно господинот Иванов изминативе 10 години ја потврди својата чесност, четитос, нема ниту една афера поврзана со неговото име. Напротив кога требало секогаш бил заштитник на националните и државните интереси и е бескомпромисен борец исто така. Така што мислам дека господинот Стево Пендаровски големиот број грешки кои ги направи во оваа кампања, но и изминатиот период ќе ги види и ќе се соочи многу скоро во недела за два дена од денеска, вели Мицкоски.