Поранешниот премиер, Никола Груевски, во случајот „Траекторија“ се терети за градба на автопатите Штип Скопје и Кичево-Охрид, за измислена наводна добивка која не е изразена во пари, туку најверојатно во рејтинг кој обвинителството го толкува како еден вид на добивка која оди на контото на Груевски.
Случајот „Траекторија“ веројатно е еден од најуникатните и најпарадоксалните судски предмети кои се водат во Македонија.
Груевски во „Траекторија“ се обвинува за остварување награда изразена во рејтинг, а во дел од медиумите блиски до СДСМ се изоставува овој дел.
На тој начин тие прават свесна забуна дека станува збор за некаква материјална добивка што воопшто не е точно.
Инаку, фактите говорат дека постапка за градба за која освен Груевски се обвинети и поранешниот вицепремиер Пешевски, министерот Јанакиески и директорот на агенцијата за патишта Горгиевски е чисто законска и обавена низ транспарентна процедура. Со цел да се заштеди, се обезбедило евтин кредит од кинеската влада со само 2 осто камата. За споредба другите банки давале кредит со над 8 осто камата. Постапката се спровела и врз основа на закон донесен во Собранието кој го подржаа и СДСМ и ДУИ.
Се обезбедило и конкуренција во процесот при што меѓусебно надавале две кинески фирми за градба на патиштата со што цената за изведба е и законска и се остварило дополнителна заштеда за државата. Делото за кое се обвинува Груевски е смешно и парадоксално, тоа е остварување на награда.
Овој случај кој е правен апсурд, полека станува и политичка иронија. Груевски се обвинува за автопатите кои ги градел, а токму истите сега стагираат и нивниот процес на градба е речиси целосно закочен и покрај обезбедените средства за градба.
