вторник, 27. јули 2021. Вести денес: 145
home Вести

Градоначалникот на Гази Баба го победи коронавирусот

Градоначалникот на Гази Баба го победи коронавирусот

Драги пријатели, сакам да ве известам дека по извршени два негативни тестови ја напуштив Клиниката за инфективни болести и од денеска сум дома и продолжувам со домашно лекување, објави на својата Фејсбук страница градоначалникот на општина Гази Баба Борче Георгиевски.

Упатувам голема благодарност до целиот медицински тим на Клиниката, за нивната огромна пожртвуваност и храброст да помогнат на секој пациент кој се бори со ковид-19. Од моја страна, како знак на благодарност за херојството и поддршка за целокупниот медицинскиот персонал, денес донирав 10 навлажнувачи за кислород и 1 дигитален апарат за мерење на крвен притисок за Клиниката за инфективни болести.

Ви благодарам на целата ваша поддршка која ми ја давата овие недели.

Ве молам чувајте се сите, почитувајте ги здравствените препораки и носете заштитна опрема.

Коронавирус