петок, 4. декември 2020. Вести денес: 97
Во живо

ВМРО-ДПМНЕ денес со блокада во Скопје и со протест во 20 градови, оставка на Заев веднаш!

home Вести

Година ипол Филипче ги лаже болните од ретка болест за лек!

Година ипол Филипче ги лаже болните од ретка болест за лек!

Година ипол на болните од спинална мускулна атрофија им се ветува дека ќе се набави неопходниот лек Спинраза.

Премиерот Зоран Заев на почетокот на јануари минатата година се сретна со деветгодишното момче Јане Велковски кое боледува од оваа болест и неговото семејство. Оттогаш имаше само неколку ветувања дека лекот ќе се донесе.

Последна е информацијата од минстерот за здравство, Венко Филипче.

-Усвоена е информацијата за потребата од набавка на лекот Спинраза, за пациентите со спинална мускулна атрофија (СМА) и се задолжува Министерство за финансии да обезбеди дополнителни 147 милиони и 600 илјади денари во Буџетот на Министерство за здравство / Министриа е Схëндетëсисë за 2019 година. По обезбедувањето на финансиските средства од Министерството за финансии, се задолжува Министерството за здравство да спроведе постапка за доделување договор за јавна набавка за лекот, напиша Филипче на Фејсбук профилот крајот на јуни.

Филипче пред владината седница ги спречи преставниците на Здружението на лица со спинална мускулна атрофија да одржат прес конференција. Тој ги повика на состанок, но и на состанокот како што велат од Здружението не добиле ништо конкретно.

-Да следеше информација дека е усвоена одлука на Влада за набавка на лекот, но ветувања сме слушнале многу, велат од Здружението.

Тие укажуваат дека болеста само се влошува со текот на времето.

-Чудно е да не може за година ипол да се спроведат процедури за набавка на лекот, а мора тоа да го среди државата. Поради комплексноста на терапијата фирмата која го произведува лекот преговара само со државни институции, велат од Здружението.

Коронавирус