недела, 29. ноември 2020. Вести денес: 90
home Вести

ФОТО: Се тргаат буквите „Александар Велики“ од скопскиот аеродром

ФОТО: Се тргаат буквите „Александар Велики“ од скопскиот аеродром

По повлекувањето на сообраќајните табли со досегашниот назив на автопатот „Александар Велики“ на Коридорот 10, а кои согласно одлука на Владата треба да бидат заменети со нови што ќе го содржат името „Пријателство“, сега се менува и знакот со името на скопскиот аеродром.

Како што може да се види од фотографијата, на терен веќе се работи на тргање на буквите на влезот на аеродромот „Александар Велики“, кои ќе бидат заменети со називот „Меѓународен аеродром Скопје“.

Одлуката на Владата за преименување на автопатот и на аеродромот стапи во сила на 14.месецов, откако беше објавена во ЈП „Службен весник“.

Промената на имињата на автопатот и на аеродромот, како што објави премиерот Зоран Заев по средбата во Давос со неговиот грчки колега Алкесис Ципрас, е во знак на добра волја и затоплување на односите со Грција.

Сегашното име на автопатот „Александар Велики“ се користи од јули 2008 година, а тоа име беше определено со одлука на претходната Влада.

Од декември 2006 година, пак, исто така со одлука на претходната Влада, скопскиот аеродром доби име „Александар Велики“.

Коронавирус