петок, 5. јуни 2020. Вести денес: 1
Актуелна тема

Од минута во минута за ситуацијата со коронавирусот во Македонија и светот

home Вести

ФОТО: Грубо непочитување на мерките, луѓе ставени во ризик само за да се одржи рочиштето за „Титаник“

ФОТО: Грубо непочитување на мерките, луѓе ставени во ризик само за да се одржи рочиштето за „Титаник“

Денес се одржа ново рочиште во Кривичниот суд за предметот познат во јавноста како „Титаник“. На рочиштето присуствуваа вкупно 38 лица меѓу кои и четири сведоци кои беа повикани од страна на обвинителството.

Сите присутни беа во голем ризик поради повеќе фактори и прекршување на владините мерки од страна на судот.

Имено, шест лица од присутните воопшто не носеа маски и ракавици. Судењето се одржа во судница со вкупна големина од 60 метри квадратни, па сите присутни седеа буквално еден до друг, вклучувајќи ги судиите и поротниците.

На судењето присуствуваше и едно лице кое јавно истакна дека неговата сопруга е медицински работник, но и дека неговото дете викендов имало температура 38.6. Сепак, поради заканата која ја добија од судијата дека ќе бидат казнети ако не се појават на рочиште и најверојатно сместени во притвор, овој човек се појавил денес во судницата. Не е тестиран ниту тој, ниту неговото семејство.

На истото рочиште, поради заканите за притвор, присуствуваше и лице кое се грижи за своето малолетно дете и две лица со хронични заболувања.

Според неофицијални информации, во обвинителството, една жена која работи со предметите кои секој ден ги земаат обвинители, била позитивна на коронавирус?

Најнови вести

Коронавирус